ARTIST TALK

Почитувани,

проектен простор прес ту егзит има чест да извести дека македонскиот уметник Јане Чаловски ќе одржи јавно предавње во културниот комплекс MuseumsQuartier, во Виена, Австрија.

Во рамки на предавањето Чаловски ќе се осврне на својата досегашна уметничка практика, а свое излагање ќе има и хрватскиот уметник Немања Цвијановиќ. По презентацијата на двајцата уметници ќе следи и отворена дискусија, чиј модератор ќе биде Волтер Седл (Walter Seidl) куратор на уметничката колекција на Erste Group. Случувањето ќе се одржи на 25. 02. 2014, во Ovalhalle, MuseumsQuartier, со почеток во 18.30 ч.

Инаку, гостувањето на Јане Чаловски на овој настан претставува дел и заокружување на неговиот резиденциски престој во рамки на програмата Artist in Residence во Quartier21, на покана на организаторите на меѓународниот проект и изложба Места на транзиција (Places of Transition) на кураторите Гулсен Бал и Волтер Седл.

http://ow.ly/sNlsW

http://www.quartier21.at/artists-in%20residence/artists/artistinfo/?artist=1035&cHash=d3cf3dc5f49ad4cea34c7dac33629975