Ada web

Ада е интернет страна која има за цел да овозможи полесен пристап и дијалог на визуелните уметници од различни провиниенции со интернет корисниците.

http://adaweb.walkerart.org/
nota/messages/read_ada.html

Aksioma -  Institute for Contemporary Arts

Институтот за современа уметност Аксиома е непрофитна културна институција со седиште во Љубљана. Во фокус на интерес на овој инситут се проектите кои ги аплицираат новите технологии со цел да се истражи и да се разговара за структурите на (пост)модерното општество.

http://www.aksioma.org/ ...

Вук Ќосиќ (Vuk Ćosić) е еден од пионерите на net.art движењето, кој делува и е активен од 1994 година. Неговите дела ги одразуваат политичките, концептуалните и филозофките проблематики. Во полето на негов интерес е ASCII код, како и вкрстувањето на тестот и комјутерскиот код.

The Yes Men (Енди Билбаум и Мајк Бонано) се двајца активисти познати по нивните сатирични интервенции на бизнис настани, на интернет, на телевизија, на улица. Автори се на неколку книги, одржуваат меѓународни предавања за уметноста и општествените промени. Основачи се на Yes Lab којашто е образовна организација, која е посветена на обучување на новата генерација активисти.

Telestreet е италијанско движење коешто поставува пиратска телевизија во неколку градски области во Италија. Движењето започнува во Болоња со мала емитувачка станица OrfeoTv којашто била основана од теоретичарот за медиуми и активист Франко „Бифо“ Берарди; од јуни 2002 година ова микро-ТВ емитува по неколку часа дневно на растојание од 200 метри.

Алесандро Лудовико и Паоло Чирио соработуваат на он-лајн проектот Face to Facebook, којшто е трет дел од трилогијата  Hacking Monopolism, проект којшто вклучува хактивистички активности. Фокусирани се околу Гугл (Google will Eat Itself) и Амазон (Amazon Noir).

Mongrel е платформа во која учествуваат луѓе и машини, кои создаваат социјално ангажирани културни дела. Основана е во 1997 како проект во кој соработуваат тројцата основачи (Matsuko Yokokoji Graham Harwood, Richard Pierre Davis) и во кој даваат инструкции за програмирањето и градењето на нивен софтвер и хардвер.

Марко Косник (Marko Kosnik) е полимедиумски уметник којшто ја започнува кариерата во 80-те како коосновач на „Лајбах“. Уште во почетокот на неговите заеднички проекти тој создава креативни средини, отворени лаборатории и медиумски платформи соработувајќи со автори од различни провиниенции.

Хит Бантинг (Heath Bunting)
Уметник којшто дејствува преку графитите, перформансот, интервенциите, пиратско радио и др.

Кајл Брендон (Kayle Brandon)
Креира проекти, ситуации и акции коишто ги ангажираат, истражуваат и раздвижуваат просторните и социјални односи.

Ирена Пивка и Бране Зорман (Irena Pivka, Brane Zorman) се уметници со седиште во Љубљана. Заедно ја основаат CONA Институт за процесуирање на современи уметности. Реализираат серија на мултимедиални уметнички проекти во кои се третира имиграцијата и процесот на интеграција во општеството.

Даниел Гарсиа Андахур (Daniel Garcia Anduhar) е уметнички теоретичар, активист и визуелен уметник кој работи и живее во Барселона. Работи под називот ТТТP –Технологија за народот и ги истражува виртуелноста, автентичноста, спонзорствата, медиумите и моќта преку новата технологија.

Ива и Франко Матес (Eva and Franco Mattes) се родени во Италија. Работат под псевдонимот 0100101110101101.org и се вбројуваат во интернет уметниците од вториот бран.

Digital Culture

Aniko Imre, Identity Games, Globalisation and the transformation of Media Cultures in the New Europe
http://issuu.com/aniko_imre__identity_games__globali

Carolin Wiedemann, Soenke Zehle, Depletion Design A Glossary of Network Ecologies
http://issuu.com/carolinwiedemann_soenke_zehle_de

Christopher M. Kelty, Two Bits The Cultural Significance of Free Software
http://issuu.com/christopher_m._kelty__two_bits_the_

Franco Berardi (Bifo), After the Future
http://issuu.com/franco_berardi__bifo___after_the_fu

Ubermorgen.com е уметничка група основана од страна на Ханс и Лисвилк Бернхард во 1995 година. Нивниот уметнички ангажман се фокусира на интернет уметноста, инсталација, видео, перформанси, фотографија, софтвер уметност, како и користење на ниско технолошки алатки со цел да се допре до што поголема публика.

The Critical Engineering Working Group е група којашто смета дека технологијата е најтранформативниот јазик на нашето време, која ги оформува нашите движења, комуникација и размислувања. Целта на The Critical Engineering е да истражи и проучи овој јазик откривајќи го неговото влијание. Колку е поголема зависноста кон технологијата, толку е поголема потребата да се проучи и разоткрие нејзиното функционирање. 

Пол Герин (Paul Garrin) е видео уметник, активен од 1990 година. Уште во раните години од своето делување соработува со Нам Џун Пајк со кој создаваат бројни дела. Основач е на многубројни проекти и здруженија преку кои се залага за ослободување на интернетот од владината и корпорациската контрола.

Натали Џеремиџенко (Natalie Jeremijenko) е уметник и инжињер која е активен член на net.art движењето. Нејзините дела ги истражуваат меѓусебните делувања на околината, општеството и технологијата.

Метју Фулер, Колин Грин и Симон Поуп - The Web Stalker настојува да биде нова форма на интернет пребарувач во кој на местото на традиционалните врски – urls се појавуват концентричнии кругови кои се всушност самите врски.

Марк Непиер (Mark Napier) е пионер во дигиталната и интернет уметноста. Работи и живее во Њу Јорк. Тој го истражува потенцијалот на интернетот како јавен простор за делување на уметноста.

Demokino е виртуелен парламент кој преку тематкси филмски параболи обезбедува гласачи (учесници) со можност да одлучуваат за прашања кои, парадоксално, стануваат суштината на модерната политика. Проектот не само што ја преиспитува утопијата на современиот виртуелен форум кој би требало да отвори начини за подиректно и повлијателно учество, туку исто така укажува на многу подлабокиот проблем присутен во модерната демократија (исто како и во виртуелната).

http://www.intima.org
Intima Virtual Base

Игор Штромајер (Igor Štromajer)  - Intimate Mobile Communicator ги истражува тактичките, емоционални парауметнички активности, интимната герила и трауматични ниско технолошки комуникациски стратегии. Неговите дела се изложувани на голем број на изложби и во околу шеесет градови, каде има добиено и повеќе награди (Москва, Хамбург, Мадрид, Марибор).

Critical Art Ensemble е колектив од пет партиципиенти формиран во 1987 година, во чиј фокус е истражувањето на интердисциплинарноста меѓу критичката теорија, технологијата, уметноста и политичкиот активизам. Групата изложувала и имала перформанси на различни интернационални локации, вклучувајќи улици, музеи и интернет простор.

ArtLeaks е колективна платформа иницирана од интернационална група на уметници, куратори, историчари на уметност и професионалци, како реакција на злупотребата на нивниот професионален интегритет и отвореното прекршување на работничките права.